Alaska Fish and Wildlife News har laga ein flott artikkel om villreinen i Seward Peninsula i Vest-Alaska gjennom eit intervju av Jacob Ahwinona, ein innfødt villreinjeger i Alaska.

Gjennom mykje av 1800 talet var Seward Peninsula vinterområde for "vestarktisk caribou". Av årsaker som ein ikkje har forstått skifta (på slutten av 1800 talet) villreinen vinterområde til Nulato Hils som ligg aust for Seward Peninsula. Tapet dette medførte gjorde at dei fastbuande på Seward Peninsula vart meir avhengig av fangst av truga marine pattedyr i staden for villrein. 

Så seinhausten i år 2000 vandra (framleis av ukjent grunn) heile 400 000 (!) reinsdyr vest til dei gamle områda i Seward Peninsula hundre år etter området sist vart nytta. Då flokken gjekk vidare nordover mot kalvingsområda var flokken så stor at tamrein (henta frå blant anna Noreg) som hadde vore generasjonar i fangenskap vart "feid med" og innlemma i storflokken.

De som er interessert i villreinfangst gammal tid vil også finne forteljingane om jakt med kano som Jacob fortel om interessant.